Exclusive

KGF ನಲ್ಲಿರುವ ಚಿನ್ನವನ್ನು ತೆಗೆಯಲಾಗುತ್ತಿಲ್ಲವೇಕೆ? ಅಸಲಿಗೆ KGF ನ ಹಿನ್ನೆಲೆಯೇನು?

ಕೆಜಿಎಫ್ಎಂದಾಕ್ಷಣ ಎಲ್ಲರ ನೆನಪಿಗೆ ಬರುವುದು ಅದೇ ಹೆಸರಿನಲ್ಲಿ ಬಂದ ಸಿನಿಮಾ. ಆ ಚಿತ್ರದಲ್ಲಿ ಕೆಜಿಎಫ್ ನಲ್ಲಿರುವ ಗಣಿಗಳನ್ನು ತೋರಿಸುತ್ತಾರಾದರೂ ಈಗ ನಾವು ಹೇಳಲು ಹೊರಟಿರುವುದು ಚಿತ್ರದ ಬಗ್ಗೆ ಅಲ್ಲ. ಕೋಲಾರದಲ್ಲಿರುವ ಗಣಿಗಳ ಬಗ್ಗೆ. 19 ನೇ ಶತಮಾನದಿಂದಲೇ ಅಲ್ಲಿ ಚಿನ್ನ ತೆಗೆಯಲು ಪ್ರಾರಂಭಿಸಿದರು. ನಮ್ಮ ದೇಶದಲ್ಲಿ ಹೆಸರುವಾಸಿಯಾಗಿರುವ ಚಿನ್ನದ ಗಣಿಯೆಂದರೆ, ಕೋಲಾರ್ ಗೋಲ್ಡ್ ಫೀಲ್ಡ್ಸ್. ಪ್ರಸ್ತುತ ಗಣಿಯಿಂದ ಚಿನ್ನವನ್ನು ತೆಗೆಯುತ್ತಿಲ್ಲ ಏಕೆಂದರೆ….

1900 ರಲ್ಲಿ ಅಂದಿನ ಬ್ರಿಟಿಷ್ ಸರಕಾರ, ಕಾವೇರಿ ಜಲವಿದ್ಯುತ್ ಕೇಂದ್ರವನ್ನು ಸ್ಥಾಪಿಸಿಲು ಮೈಸೂರು ಅರಸರಿಗೆ ಮನವಿ ಸಲ್ಲಿಸಿತು. ಇದಕ್ಕೆ ಅವರೂ ಸಹ ಒಪ್ಪಿಗೆ ನೀಡಿದರು.ಇದರ ಫಲವಾಗಿ, ಪ್ರಪಂಚದಲ್ಲಿಯೇ ಅತ್ಯಂತ ಉದ್ದವಾದ 148 ಕಿಲೋ ಮೀಟರ್ ಉದ್ದದ ವಿದ್ಯುತ್ ಮಾರ್ಗವನ್ನು ಹೊಂದಿದ ಹೆಗ್ಗಳಿಕೆಗೆ ಕೋಲಾರ ಪಾತ್ರವಾಯಿತು. ವಿದ್ಯುಧಾಗಾರ ದೇಶದ ಮೊದಲ ವಿದ್ಯುಧಾಗಾರವಾಯಿತು.

ಪ್ರಸ್ತುತ ಕರ್ನಾಟಕದಲ್ಲಿ ಅಲ್ಲದೆ ಇತರೆಡೆಯಲ್ಲು ವಿದ್ಯುತ್ ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗುತ್ತಿರುತ್ತದೆ. ಆದರೆ, 1902 ರಲ್ಲಿ ಕೆಜಿಎಫ್ ನಲ್ಲಿ ಅಡೆ ತಡೆಯಿಲ್ಲದೆ ವಿದ್ಯುತ್ ಸರಬರಾಜು ಆಗುತ್ತಿತ್ತು. ವಿದ್ಯುಧಾಗಾರ ಬರುವುದಕ್ಕೆ ಮುನ್ನವೇ ಚಿನ್ನದ ನಿಕ್ಷೇಪವನ್ನು ಹೊರತೆಗೆಯಲು ಪ್ರಾರಂಭಿಸಿದರು. ಇದಕ್ಕಾಗಿ ಅಂದು ಬ್ರಿಟಿಷ್ ಸೇನೆಯಲ್ಲಿ ಕೆಲಸಮಾಡುತ್ತಿದ್ದ ‘ಮೈಕೆಲ್ ಫಿಡ್ರಾಲ್ಡ್ ಲಾವೆಲ್’ ಎಂಬ ಐರಿಶ್ ಸೈನಿಕ ನೀಲನಕ್ಷೆ ತಯಾರಿಸಿದ .


ಮೈಕೆಲ್ ಗೆ 1804 ರಲ್ಲಿ ಪ್ರಕಟವಾದಂತಹ 4 ಪುಟಗಳ ಲೇಖನವೊಂದು ಲಭಿಸಿತು. ಇದರಿಂದಲೇ ಕೋಲಾರದಲ್ಲಿರುವ ಚಿನ್ನದ ನಿಕ್ಷೇಪದ ಬಗ್ಗೆ ಆತನಿಗೆ ತಿಳಿದು ಬಂದಿತು. 1871 ರಲ್ಲಿ ತನ್ನ ವಾಸವನ್ನು ಬೆಂಗಳೂರಿಗೆ ಬದಲಾಯಿಸಿದ. ನಂತರ ಪವರ್ ಪ್ಲಾಂಟ್ ಬಂದ ನಂತರ ಚಿನ್ನವನ್ನು ಅಗೆಯಲು ಪ್ರಾರಂಭಿಸಿದ. ಕೋಲಾರ ಪ್ರದೇಶವೆಲ್ಲವೂ ಬ್ರಿಟಿಷರಿಂದ ತುಂಬಿಕೊಂಡಿತ್ತು. ಗಣಿಗಳಲ್ಲಿ ಭಾರತೀಯರು ಕೆಲಸಮಾಡುತ್ತಿದ್ದರು. ತಾತ್ಕಾಲಿಕವಾಗಿ ಹಾಕಲಾದ ಶೆಡ್ ಗಳಲ್ಲಿ ಕಾರ್ಮಿಕರು ವಾಸಿಸುತ್ತಿದ್ದರು.

1956 ರ ನಂತರ ಕೋಲಾರ ಚಿನ್ನದ ಗಣಿಗಳನ್ನು ರಾಷ್ಟ್ರೀಕರಣ ಗೊಳಿಸಲಾಯಿತು. ಅಂದಿನಿಂದ 2001 ರ ವರೆಗೂ ಗಣಿಗಾರಿಕೆ ಮುಂದುವರೆಯಿತು. ಒಟ್ಟಾರೆ ಭಾರತದಲ್ಲಿ ಉತ್ಪಾಧಿಸುವ ಚಿನ್ನದ ಶೇ.95 ಕೋಲಾರ ಚಿನ್ನದ ಗಣಿಯಿಂದಲೇ ಲಭಿಸುತ್ತಿತ್ತು. 2001 ರಲ್ಲಿ ಗಣಿಗಾರಿಕೆಯನ್ನು ಸ್ಥಗಿತಗೊಳಿಸಿದ ನಂತರ , ಗಣಿಗಳು ಭೂಗರ್ಭ ಜಲದಿಂದ ತುಂಬಿಕೊಂಡವು. ಆದರೆ, ಇದೀಗ ಮತ್ತೆ ಗಣಿಗಾರಿಕೆಯನ್ನು ಪ್ರಾರಂಭಿಸಬೇಕೆಂದು ಹಲವರು ಕೇಂದ್ರ ಸರಕಾರವನ್ನು ಒತ್ತಾಯಿಸುತ್ತಿದ್ದಾರೆ. ನಿಕ್ಷೇಪ ಇನ್ನೂ ಇದ್ದರೂ , ಚಿನ್ನವನ್ನು ಹೊರತೆಗೆಯಲು ತಗುಲುವ ಕರ್ಚು ಹೆಚ್ಚಾಗುತ್ತದೆ. ಹೀಗಾಗಿ ಗಣಿಗಾರಿಕೆಯನ್ನು ಸ್ಥಗಿತಗೊಳಿಸಲಾಗಿದೆ. ಈರೀತಿಯಾಗಿ ಕೆಜಿಎಫ್ ಗಣಿಗಳು ಅಂತ್ಯಗೊಂಡವು.

Comment here